![](uploads/news/653699be5ed922.59222819.jpg)
გამარჯობა,
მე ვარ ირმა ჭვრიტიძე, მესტიიდან, პროფესიით ექიმი ვარ მაგრამ ჩემი ძირითადი საქმიანობა ბოსტნეულის კულტურების მოყვანა და სასათბურე მეურნეობაა. თავდაპირველად ინტენსიურ ღია გრუნტზე მომყავდა ბოსტნეული კულტურები და ჩემი ოცნება იყო თანამედროვე სტანდარტების სათბური მქონოდა, რომლითაც შევძლებდი წელიწადის ყველა სეზონზე მომემარაგებინა ადგილობრივი ბაზარი. სხვათა შორის თვითონ მესტიის მაგალითზე გეტყვით რომ ბოსტნეულზე და სალათის ფურცელზე მოთხოვნა ძალზედ დიდია და სხვა მეწარმეებს შეუძლიათ ამ მიმართულებაზე სერიოზულად იფიქრონ.
ჩემი ოცნების ასრულება მაშინ დაიწყო, როდესაც ახლობელმა მირჩია ევროკავშირის, შვედეთის და ავსტრიის დაფინანსებით მხარდაჭერილ პროექტ GRETA-ს შესახებ. დამატებითი ინფორმაციის მოძიების შემდეგ დავრწმუნდი რომ მართლაც ჩემს გეგმებზე მორგებული პროექტი იყო თანადაფინანსების ხელსაყრელი პირობებით. რამდენიმე ეტაპის წარმატებულად გავლის შემდეგ მივიღე დაფინანსება და ჩავერთე საგრანტო პროგრამაში.
დონორების დახმარებით მიღებული დახმარებით გადმომეცა სათბური 150 კვადრატულ მეტრ ფართობზე, გათბობა გაგრილების სისტემებით და შეიძლება ითქვას რომ ჩემი დიდი ხნის ოცნება ახდა. მაგრამ მიღებული დახმარება ამით არ ამოწურულა, პროექტის ფარგლებში ჩაგვიტარდა ძალიან საჭირო ინფორმაციის მქონე ტრენინგები მარკეტინგის კუთხით და აქ მიღებულ ცოდნას აუცილებლად გამოვიყენებ პრაქტიკულ საქმიანობაში.
ასევე მივიღე გამოცდილება უცხოურ პროგრამებთან თანამშრომლობის, საქმიანობა სეზონურიდან გადავიდა უწყვეტ რეჟიმზე და ამ შესაძლებლობამ დამანახა რომ რეალურია ასეთი პროექტები. აქედან გამომდინარე ვისურვებდი ბევრ ასეთ საინტერესო ინიციატივას, მითუმეტეს მაღალმთიან რეგიონში როდესაც ხარ მსგავსი პროექტები სასიცოცხლოდ მნიშვნელოვანია. გულწრფელად გეტყვით რომ ჩემი ძალებით მსგავსი ტიპი სათბურის აშენებას ვერ შევძლებდი, მითუმეტეს ასეთ მოკლე დროში, როგორც ეს ახლა მოხდა და ვერც იმ ინფორმაციაზე წვდომას მოვახერხებდი, რომელიც თუნდაც GRETA-ს ფარგლებში ჩატარებულ ტრენინგებზე მივიღე.
ჩემი ეს ისტორია რომ შევაფასო, თავისუფლად შემიძლია ვუწოდო წარმატებული, რომელმაც მომცა განვითარებისთვის რეალური საფუძველი. მაგალითისთვის გეტყვით, რომ მიღებული დახმარებიდან გამომდინარე უკვე რეალურად ვაპირებ ჩემი მეორე იდეის განხორციელებას, გავაკეთო ბოსტნეულის მაღაზია და ასევე ადგილობრივი ბაზარი მოვამარაგო ბოსტნეულის ხარისხიანი თესლებით. აქ მთავარი ფაქტორი ის არის, რომ მე თვითონ მქონდა თესლების მოწოდების კუთხით ჩემი საქმიანობის დროს პრობლემა, რადგან ამერიკიდან ვიწერდი. ახლა უკვე შემეძლება თვითონ გამოვიყვანო ადგილზე და სხვა მეწარმეებსაც გავუზიარო.
მე ჩემს საქმიანობაზე უზომოდ ვარ შეყვარებული და სხვებსაც ვურჩევდი იპოვონ ის საქმე, რომელიც მთელი გულით ეყვარებათ და ის აუცილებლად იქნება წარმატებული თუ შრომასაც არ დაიშურებენ. უახლოეს გეგმებში შედის სასათბურე მეურნეობის გაფართოება, ასევე მინდა გავაკეთო ქათმების მცირე ფერმა რადგან აქ ჩვენთან მესტიაში კვერცხის დეფიციტია, ძალიან ცოტას ჰყავს ქათამი ვინაიდან სიმინდის და ხორბლის არ ქონის გამო მათი გამოკვება ძვირი ჯდება, მე კიდევ მოყვანილი ბოსტნეულის ნარჩენებით მარტივად გადავჭრი ამ პრობლემას. ერთი სიტყვით ამ ყველაფრის განსახორციელებლად სიამოვნებით კიდევ მივიღებდი მონაწილეობას მსგავს პროექტებში და დაინტერესების შემთხვევაში მზად ვარ სათანამშრომლოდ და ჩემთან დაკონტაქტება შესაძლებელია ტელეფონის: 598 801434 და ელ-ფოსტის: irmashenaqoeli@gmail.com საშუალებით.
---
ევროკავშირის, შვედეთის და ავსტრიის მხარდაჭერით საქართველოს მაღალმთიან რეგიონში, მცირე და საშუალო მეწარმეები, რომლებმაც მიიღეს მნიშვნელოვანი მხარდაჭერა ბიზნესის განვითარებისთვის, ჯამში 68 მეწარმეს ითვლის.
თვალი ადევნეთ წარმატების შემდეგ ისტორიებს, სადაც საოცრად საინტერესო ხალხი გვიამბობს საკუთარ გამოცდილებებზე.
პროექტი GRETA | „მწვანე ეკონომიკა: მდგრადი სამთო ტურიზმი და ორგანული სოფლის მეურნეობა“ ევროკავშირის, ავსტრიისა და შვედეთის მხარდაჭერით, საქართველოში ავსტრიის განვითარების სააგენტო ახორციელებს. პროექტი მიზნად ისახავს ბიზნეს-გარემოს გაუმჯობესების ხელშეწყობას და დამატებითი შემოსავლის შექმნის შესაძლებლობის გაზრდას საქართველოს ეკონომიკის ორ ისეთ მნიშვნელოვან სექტორში, როგორიცაა სამთო ტურიზმი და ორგანული სოფლის მეურნეობა.
ეს მასალა მომზადებულია ევროკავშირის, შვედეთის და ავსტრიის თანადაფინანსებით, პროექტ GRETA-ს ფარგლებში. მის შინაარსზე სრულად პასუხისმგებელია ავსტრიის განვითარების სააგენტო/პროექტი GRETA და შესაძლოა, რომ იგი არ გამოხატავდეს ევროკავშირის, შვედეთის და ავსტრიის შეხედულებებს.
#68წარმატებისისტორია
#ევროკავშირი #შვედეთი #ავსტრია
#პროექტიGRETA #მთისეკონომიკისგანვითარებისთვის